حكم وضع النساء صورهم على وسائل التواصل
الموقع بلغة الأرقام 13-11-2018
  1. الرئيسية
  2. المقالات
  3. حكم وضع النساء صورهم على وسائل التواصل
حكم وضع النساء صورهم على وسائل التواصل

حكم وضع النساء صورهم على وسائل التواصل

تاريخ النشر: 27 ذو القعدة 1439 (2018-08-09)

بسم الله الرحمن الرحيم

الحمد لله والصلاة والسلام على رسول الله وبعد: 

حكم وضع النساء صورهم على وسائل التواصل - أحمد سالم

 

حكم وضع النساء صورهم على الفيس بوك بحجة أن الناس فى الأصل تراها فى الشارع فما المانع من أن يرانى الناس سواء رجال أو نساء على الفيس؟

ج/ إذا كانت مكشوفة الوجه فإنها تثبت صورتها لينظر لها البر والفاجر، وهذا بعكس الخروج في الشارع الذي هو أمرعارض لا يستغرق اليوم كله، وقد حثت الشريعة على أن يكون هذا الخروج نفسه للحاجة.

فعدم نشر الصورة من صيانة المرأة لنفسها ومن مقتضيات غيرتها على نفسها.

وهذا المعنى تغفل عنه النساء: أن تغار المرأة على نفسها أن ينظر لمحاسنها رجل غير زوجها،

وإذا كانت الشريعة فيما نرى أباحت لها كشف الوجه فإنها أيضا حريصة على ألا تخرج المرأة إلا لحاجة وعلى ألا تختلط بالرجال ونحو ذلك مما تذكره الشريعة تقصد به إلى صيانة المرأة وحفظ كرامتها.

 هل ستمنع زوجتك من وضع صورتها على الفيسبوك لو كان عندها فيس فرضا؟

ج/ لو وجهها مكشوف نعم سأمنعها، لكن بنقابها نشرتها بنفسي من قبل.

وهي بالمناسبة تتصفح الفيس بوك من حسابي، وحسابي على هاتفي وهاتفها.

 ليه لو وشها مكشوف تمنعها ولو منقبة تنشر؟

لو كانت تاخد برأى من قال أن الوجه جائز كشفه وصورتها بحجابها الكامل ومحتشمة وفى صفحتها الخاصة ايه المانع؟ مختلسى النظر مثلا؟ هما اللى بيعملوا الغلط وأكيد مش هنمنع حاجة عشان حد غير متزن بيستخدمها غلط.

 سؤال جانبى اسمحلى ايه فايدة وضع صورة زوجتك بالنقاب ع الفيس

ج/ عشان تعرضها لنظر البر والفاجر لا أحبه، واحنا فعلا ممكن نمنع الحاجة سواء منع شرعي أو شخصي، حتى لو هي حلال؛ عشان حد غير متزن بيستخدمها غلط.

 أنا ما بنزلش مراتي أو أختي من البيت بعد الساعة عشرة رغم إنه مش حرام، عشان فيه ناس غير متزنة.

وانت ما بتعديش من ناصية شارع واقف عليها شباب صيع عشان ما تحبيش تسمعي كلمة بايخة رغم إن التعدية دي مش حرام.

وبمنع ابني يصاحب حد أكبر منه بسن زايد رغم إن المصاحبة دي مش حرام بس احتمالات تأديتها لفعل خاطئ من غير متزن واردة.

وانتي بتعدي الشارع لو شفتي سيارة شبابية بتاخدي حذرك زيادة عشان احتمالات تهوره، ما بتقوليش إن التعدية حلال وماليش دعوة بعدم اتزانه.

انت ما بتمنعيش صورتك عشان خاطره، إنما عشان خاطر نفسك، زيادة في الغيرة عليها.

مش معنى إنه حلال إنه يتعمل، دي رياضيات مينفعش لا نفهم الشرع بيها ولا نمارس الحياة بيها.

ومع كده هو خيار شخصي مش بحرم عليك لو صممتي تعدي من الشارع إللي على ناصيته عيال بايظة.

بالنسبة لصورتها بنقابها: هي فرحت، حست إني معتز بيها، وأنا سعيد إني عملت حاجة وصلت لها الإحساس ده.

وصلى الله وسلم على نبينا محمد والحمد لله رب العالمين

 

إضافة تعليق

التعليقات المقتضبة أو تلك التى لا تتعلق بموضوع المحاضرة أو الأسئلة أو التعليقات بغير اللغة العربية ستحذف تلقائيا
تم إرسال التعليق بنجاح و سيظهر في الموقع بعد مراجعته و الموافقة على نشره
العلماء والدعاة التصنيفات