الرضا، والصبر، والسخط
الموقع بلغة الأرقام 13-11-2018
  1. الرئيسية
  2. المقالات
  3. الرضا، والصبر، والسخط
الرضا، والصبر، والسخط

الرضا، والصبر، والسخط

تاريخ النشر: 26 صفر 1442 (2020-10-14)

 بسم الله الرحمن الرحيم

الحمد لله والصلاة والسلام على رسول الله وبعد:

1-  علينا أن نرضى بكل أقدار الله مهما كانت بدون استثناءات، صح كدا ؟

ج / عليك أن تصبر عليها.

الرضا مستحب لكن ليس واجبا.

2-  حضرتك تقصد ايه بالصبر في هذا الموضع ؟

ج / ألا تسخط أقدار الله، وإنما قولك: الحمد لله، إنا لله وإنا إليه راجعون، لا نقول إلا ما يرضي ربنا.

3-  لو سخطت لحظتها ورجعت قلت : قدر الله وما شاء فعل، كده ابقى سخطت وما خدتش اجر؟

ج / نعم لا أجر لك؛ فالصبر عند الصدمة الأولى.

4-  طيب لو عند الصدمة الأولى صبرت واحتسبت بس بعد كده كنت متضايقة على شوية عياط ؟

ج / الضيق والحزن والبكاء كل ذلك لا يضر، ويسمى الإنسان صابرًا حتى لو فعله.

5-  تقصد ايه بالرضا المستحب ؟

ج / الرضا أن تكون حالك بحيث لو قيل لك: نزيل عنك المصيبة، فتقول: لا، ولو قيل لك: لو أنها لم تحدث، فتقول: بل تحدث.

وهذه منزلة عظيمة لكنها غير واجبة.

6-  يا شيخ هو دا نوع من اللامبالاة يعنى ولا تمنى للشر كدا ؟

ج / هذا نوع من الرضا بقضاء الله واليقين بأن حصوله كان أحسن من عدم حصوله، وأنت هنا لم تتمنى الحصول لكن لما حصل أيقنت أنه الأنفع لك، بحيث صرت لا تتمنى عدم الحصول.

7-  هو انا لو عملت ايه ابقى سخطت ؟

ج / الغضب من الله لأجل فعله

ليه ده بيحصلي

ليه كده يا رب

تصرفات وأقوال اليأس من العيش

هو أنا عملت إيه عشان ده يحصل لي

ذم وعيب ونهر الذين ينصحوك بالصبر

تكسير الأشياء

شق الجيب

لطم الخد

8-  طيب واللي عمل كده وبعدين هدأ واستغفر؟

ج / يستغفر ويتوب ويجتهد ألا يعود، لكن أجر الصبر الأول فاته.

9-  "ليه دا بيحصلي" او الغضب دا لما بيظهر في صورة كلام على اللسان هو دا اللي بيبقى سخط ؟ ولا حتى لو كان في داخل الانسان بدون كلام بيكون سخط أيضا ؟

ج / حتى لو في القلب.

    10- طيب ازاي نمرن نفسنا على التقبل علشان نصبر عند الصدمة الاولى ؟

ج / فيه محاضرة للشيخ علي القرني اسمها كشف الكربة عند فقد الأحبة، رأيي أنها أفضل محاضرة عن الصبر.

اسمعها..

الأخلاق كلها تحتاج لمران وتعود، الصبر على طابور أو زحمة، هو اللي بيمرنك على الصبر على مصيبة.

وصلى الله وسلم على نبينا محمد والحمد لله رب العالمين

إضافة تعليق

التعليقات المقتضبة أو تلك التى لا تتعلق بموضوع المحاضرة أو الأسئلة أو التعليقات بغير اللغة العربية ستحذف تلقائيا
تم إرسال التعليق بنجاح و سيظهر في الموقع بعد مراجعته و الموافقة على نشره
العلماء والدعاة التصنيفات